भोजपुरी रोमांटिक गाने Bhojpuri Romantic Songs | Love Songs
भोजपुरी गीत- तिरछी नजरिया
मोहे मारो न तिरछी नजरिया के बान रे सांवरिया।
नजर लग जाई मैं छुईमुई लजवंती नार रे गुजरिया।
गोर बदनवा गुलबवा के कली।
मातल नयनवा कचनार के कली।
मुस्काई मारा जनी मोर जान रे सांवरिया।
नजर लग जाई .....।
धड़क जाला जीयरा जब नजर लड़ी जाले।
लजिया के मारे गोड धरती धंसी जाले।
मरोड़ी कलाई करा जनी हलकान रे सावरिया।
नजर लगी जाई.....।
बेरी बेरी खिंचेला काहे मोर अंचरवा।
मुंहवा निहरेला लजाला मोर कजरवा।
बड़ा निक लागे मुंहवा तोहरे पान रे सांवरिया।
नजर लगी जाई मैं छुईमुई लजवंती नार रे गुजरिया।
श्याम कुंवर भारती।
बोकारो झारखंड
0 Comments